Taliska Wayaanaha oo Mar Kale Is Khilaafay & General Samore oo Xilka Laga Qaadayo
Mutafa suuxufi online Wararka naga soo gaadhaya wadanka gumaysiga Itoobiya ayaa sheegaya xiisad hor leh oo mar kale ka dhex qaraxday saraakiisha wadanka gumaysiga Itoobiya ugu saraysa, kuwaas oo dhowr jeer oo hore khilaafkooda loo fagaareeyay.
Sida xogta aan kuhelayno garabkii TPLF ee guulaystay ayaa hal hal ucuni raba saraakiisha baaqiga ka ah garabkii laga reeyay ee wali xilalka kahaya wadanka, kuwaas oo ladoonayo in lagu badalo xubno kamid ah garabka ay guushu raacday dagaalkii TPLF udhaxeeyay.
Saraakiisha talada wadanka ku amar kutaaglaysa ee TPLF ta ubadan ayaa keenay qorshe xilka looga qaadayo taliyaha guud ee ciidamada wayaanaha Genaral Samore Yonis, kaas oo lafikir ahaa kooxdii laga guulaystay ee TPLF.
General Samore Yonis oo ah rugcadaa in badan ka dhex muuqday siyaasada Itoobiya isla markaana ahaa nin mudo dheer faraha dhiig kula soojiay oo dambiyo dalka iyo dadkaba kaqaba ayaa ladoonayaa in xilka laga qaado si ay suura gal unoqoto in maxkamad lasoo taago ama cidlo lagu cuno.
Kooxda qowlaysatada ah ee ay guushu raacday ayaa doonaya in ay Samore kusheegaan in uu howlgab yahay oo duqoobay, waxaana lasheegayaa in ay jagadaas uwadaan mid kamid ah labadii Janaraal ee todobaadkii hore darajadooda lagaadhsiiyay Janaraal buuxa, waxaana lagu wadaa in uu Samore Noqdo oday gurigiisa ku ekaada.
Arintan oo kamid ah sicir bararka siyaasadeed ee wadanka Itoobiya kajirta ayaa lasheegay in uusan Samore ogolaan doonin isaga oo adeegsan doona wuxuu awood hayo, waxaana lasheegayaa in uu kujiro is difaac aad usareeya, isaga oo kabaqaya in banaanka ladhigo isagoo wadanka dambiyo kaqaba.
Arintan ayaa makhraati ka ah is aaminaad darada iyo is barbar yaaca ka dhex jira xukuumada wayaanaha, waxaana larumaysan yahay in uu wadanku sifiican u hayo wadadii burburka.
Commentaires
Enregistrer un commentaire