Shacabka Itoobiya oo Ogaaday Dhagar Ay Ciidanka Wayaanuhu Maleegayeen
Mustafa suuxufi online Wararka naga soo gaadhaya wadanka Gumaysiga Itoobiya ayaa sheegaya in shacabka gumaysiga kuhoos nool looga digay falal ay ciidamada sirdoonka wayaanuhu ku howlan yihiin oo dad iyo duunyo baabi’in ah.
Sida xogta aan kuhelayno shacabka ree Itoobiya ayaa helay xog kusaabsan qorshe shacab badan lagu laynayo oo ay wadaan ciidamada sirdoonka wayaanaha, kaas oo hadana ladoonayo in lagu eedeeyo isla shacabka si loo xasuuqo.
Xogta ay shacabku isla saraakiisha wayaanaha ka heleen ayaa ah in ladiyaariyo qorshe lagu qarxinayo baabuurta basaska ah ee ay dadwaynuhu aadka u raacaan ee wadanka kashaqeeya gaar ahaa kuwa shirkada Salam Bus oo ay dad badan raacaan.
Qorshahan ayaa lasheegay in lala damacsanaa dhowr goobood oo ay basasku sixoogan dadka uga qaadaan waxaana kamid ah magaalada Dirdabe iyo kuwo kale, waxaana la ogaaday in uu qorshahan fuli lahaa todobaadkan dhexdiisa.
Qorshahan ay ciidamada wayaanuhu soo maleegeen ayaa qayb ka ah dad iyo duunyo baabi’inta ay xukuumada wayaanuhu wado, waana mid kamid ah dhaqamada gumaysta yaasha aduunka lagu yaqaano.
Ma aha markii ugu horaysay oo ay ciidanka wayaanuhu qaraxyo kasameeyaan gudaha wadanka, waxaana laxasuusan yahay qaraxii Masaajidka Wayn ee Anwar ee magaalada Addis Ababa, kaas oo qarxintiisii kadib ay uqaqabteen dad badan oo muslimiin ah.
Dadka siyaasada kafaalooda ayaa dhaqanka ay ciidanka wayaanuhu bilaabeen kutilmaamay mid naflacaari nimo ah oo lexjeclo aan lahayn, waxaana lasheegay in wadamada burburaya ay talaabooyinkan oo kale qaadaan
Commentaires
Enregistrer un commentaire