Iyadoo ay wali wadanka gumaysiga Itoobiya sidii loogu talagalay uga socdaan kacdoonadii shacabka ee socod iyo shaqo la’aan ee dhalinta kacdoonadu ay kubaaqeen ayaa la arkayaa isusoobaxyo waawayn oo rabshado wata oo kasocda qaybo kamid ah wadanka.
Sida xogta aan kuhelayno dadwayne aad ufara badan oo kuwa kacdoon wadayaasha ah ayaa isugu soobaxay deegaanada kuxeeran magaalada gumaysiga caasimada u ah ee Addis Ababa, halkaas oo dadwaynuhu ay gubeen taayaro iyo waliba qashin aad ubadan.
Dad koob joogayaal ah oo kusugan magaalada Addis Ababa ayaa sheegaya in ay arkayeen qiiq aad uwayn oo ka baxaya wadooyinka waawayn ee magaalada soogala iyo dadwayne aad ufarabadan oo muujinaya sida ay udiidan yihiin gumaysiga mudada dheer daashada ee wayaanaha.
Dhinaca kale ciidanka wayaanaha oo wata dabaabaadka dagaalka ayaa lasheegayaa in ay meelo katirsan Oromia iyo Ahmara kafuliyeen howlgalo ay kubeegsanayaan dhalinta kacdoon wadayaasha ah iyagoo si naxariis daro ah ula dhaqmaya hadba cidii ay qabtaan.
Warka ayaa intaas kudaraya in ay ciidanka wayaanuhu qabteen in kabadan 40 oo dhalinyaro ah oo katirsan ururka dhalinyarada Oromada ee QEEROO looyaqaano, waxaana lasheegayaa in dhalintaas lageeyay meel aan lagaranaynin oo dhulka hoostiisa ah.
Dhinaca kale waxaa ladareemayaa khalkhalka ciidamada wayaanaha iyo maamul kusheegyada wadanka kajira, waxaana la arkayaa qaar kamid ah maamulada magaalooyinka oo ilaalo aad ubadan wata iyo waliba ciidan irdhaysan oo taagan isgoysyada magaalada Addis Ababa oo ah meesha kaliya ee wayaanuhu uu kumintidayo.
Dhinaca kale magaalada Herar ayaa lasheegayaa in uu iska hor imaad wayn kudhex maray ciidanka gumaysiga iyo dad shacab ah oo kacdoon wadayaal ah, waxaana lasoo tabinayaa in ugu yaraan uu qof shacab ah halkaas kudhintay, halka 10 dhalinyaro ahna ladhigay xabsi qarsoodi ah.
Sidoo kale magaalada Jima waxaa lagu dilay 8 qof oo shacab ah halka magaalaa Balay lagu dilay 3 qof oo shacab ah. Dhinaca kale ciidanka gumaysiga ee magaalada Dirdabe ayaa sheegay in aan lafuri karin dukaamada shacabku ay diideen in ay kashaqeeyaan
Commentaires
Enregistrer un commentaire